+  Esperanto-forum
|-+  Novaj afiŝoj

Novaj afiŝoj

Paĝoj: [1] 2 3 ... 10
1
Ni baldaŭ komencos novan kaj tre inspirdonan projekton, kaj por ĝi ni serĉas Esperanto-parolantojn en denaska kaj preskaŭ-denaska niveloj. Ni esperas, ke vi povus helpi nin trovi kandidatojn kun bona scio de Esperanto. Ni tre ŝatus vian partoprenon en ĉi tiu projekto, kaj ni instigas vin dividi ĝin kun viaj kolegoj, amikoj kaj familianoj, kiuj ankaŭ parolas ĉi tiun lingvon en preskaŭ-denaska nivelo.
La celo de la lingvo-esplora projekto estas helpi disvolvigi parolad-rekonan teknologion por Esperanto.
La tasko, kiun vi devos plenumi, estas simpla kaj ne postulas specialajn sciojn aŭ antaŭan sperton. Vi vidos frazojn aŭ partojn de frazoj en la esplorata lingvo kaj devos registri vian voĉon dum vi legas ilin laŭte.
La nepra kondiĉo estas, ke vi parolu la lingvon kiel denaskulo aŭ en tre alta nivelo. Tamen partoprenantoj povas loĝi ie ajn en la mondo, la taskoj povas esti faritaj hejme. Vi bezonos havi Android-telefonon aŭ tabletonplatkomputilon. Alternative, vi ankaŭ povas uzi ajnan komputilon kun retumilo Chrome, mikrofono, interreta konekto kaj kvieta ĉambro por fari viajn registraĵojn.
Bedaŭrinde, tio ankaŭ signifas ke vi ne povos kompletigi nian taskon per iOS-aparato.
Ĉi tie estas la detaloj de la projekto, kiuj helpos komenci:
 
  • Vi devas havi 18 jarojn aŭ pli;
  • La daŭro de la tasko estas ĉ. 2 horoj;
  • Pago: 80 USD post plenumo de la tuta tasko. La pago estos ĝirata per PayPal aŭ rekte al la banka konto per XendPay.
[size=120%]Por partopreni vi nepre bezonas plenigi la aliĝilon ĉe: https://fs30.formsite.com/LB2014/form264/index.html[/size]
 Post taksado de via aliĝilo, nia teamo de produktado kontaktos vin kun pliaj detaloj kaj instrukcioj (atentu ke la letero ne pereu en spam-dosierujo).
 Se vi volas ekscii pli multe pri Lionbridge kaj kion ni faras en Lionbridge GSMI, vi povas legi nian paĝaron ĉe: https://www.lionbridge.com/en-us/global-services-for-machine-intelligence
2
Agenda / Agendo / Esperanto-Tago 2018, 26a de julio
« Lasta afiŝo de Roland Rotsaert je 17 Julio 2018, 20:42:11 ptm »
Karaj kaj estimataj esperantistoj-aktivuloj,
 
 mi jhus finis la enretigon de la 84a afisho por ET2018, chiuj pretigitaj de Peter Oliver, kiu chiujare kunlaboregas idee kaj grafike pretigante en multaj lingvoj la diverstagajn, -temajn afishojn. Krom li dankindas ankau la tradukintoj de la afishtekstoj kaj de la klariga teksto pri la tago (se ghi jam estas farita), kaj Renato Corsetti, la nelacigebla motivanto de aktivuloj.
 
 Por vere bone informi pri la tago, niaj celoj, ktp., la afisho sola ne sufichas, estas necesa kaj tre utila ankau la Klariga teksto por disdono che via informbudo, au por gazetara komuniko viaregione, bv traduki ghin se ne jam ekzistas sub la afisheto au en la uea-vikio. La traduka laborfolio estas tie: 
 http://www.linguistic-rights.org/esperanto-tago/2018/Klariga-teksto-pri-la-Esperanto-Tago-2018-en-RTF.rtf
 kaj resendu al mi tiun word-an dokumenton kun la traduko, por povi ghin kopii kaj adapti al retpagho, por publikigo en la retejo. (unue bv. anonci al mi vian tradukpretecon por vidi, chu iu jam komencis au ne la laboron).
 
 - 84 afishoj, tio estas: 
 
 82 lingvoj, el kiuj
 81 lingvoj havas sian propran afishon,
 +1 = la 82a lingvo: romancha (rm) de Svislando estas sur la Svisa (CH) afisho 4-lingva,
 +1 = plia afisho kun ambau lingvoj: sveda-finna (kiuj ekzistas ankau aparte), kaj
 +1 = 1 afisho kun usonangla teksto, sed tio ne konsiderindas alia lingvo ol la angla
 ... = 82 lingvoj sur 84 afishoj. :)



Vidu ankaŭ je http://www.linguistic-rights.org/esperanto-tago/esperanto-tago-2018.html



 Stefano Keller
3
Agenda / Agendo / 17a Novjara Renkontiĝo kaj 10a NIS, 27.12.2018-3.1.2019
« Lasta afiŝo de Roland Rotsaert je 17 Julio 2018, 18:30:42 ptm »

La 17-a Novjara Renkontiĝo (NR) ĉi-jarfine okazos de la 27-a de decembro 2018 ĝis 3-a de januaro 2019, ĵaŭdo ĝis ĵaŭdo, en Wiesbaden, samtempe kaj samloke kun la 10-a NIS, la programo por junuloj.

Jen la informa paĝo: http://www.esperantoland.org/nr/index.shtml#nr

Aliĝis intertempe jam 72 homoj el ok landoj, 40 el ili el eksterlando, 25 junuloj kaj infanoj. http://www.esperantoland.org/nr/partoprenantoj_nr17.php

Se ankaŭ vi ŝatos partopreni, eble aliĝu ĝis venonta lundo, 23-a de julio, fino de la aktuala aliĝperiodo. Jen la aliĝilo, http://esperantoland.org/nr/alighilo.shtml#alighilo .

4

Annie Grent organizos ion por junaj progresintoj ...

Kiam? De la 19a ĝis la 29a de Aŭgusto 2018

Kie? En Kreto, urbo Neapoli, «Esperanto»-domo

Kiom tio kostos ? 5€ tage por manĝoj (plus flugbiletojn ...)

La kondiĉoj: eblas gastigi 10 homojn kun DEK DIVERSAJ GEPATRAJ LINGVOJ...

Kontaktu: anniegrente@hotmail.fr

Programo en la suba dokumento.
(laŭ esper-german)
5
Familia vivo / Forpasis Matthias Humet
« Lasta afiŝo de PaulP je 15 Julio 2018, 19:00:11 ptm »
Ĉi-semajne subite forpasis Matthias Humet, filo de la kataluna esperantisto Alex Humet kaj de la flandrino Ite Tytgat. Matthias parolis Esperanton denaske kaj estis estrarano, dumtempe ankaŭ prezidanto, de la tiama Flandra Esperantista Junulara Asocio (FLEJA). De 2011 ĝis 2013 li nome de FLEJA estis membro de la komitato de TEJO. Krome en 2010 kaj 2011 li estis inter la gvidantoj de la Internacia Infana Kongreseto.

Adiaŭa ceremonio okazos en la aŭlo Chrysant de la krematorio Pontes en Antverpeno, mardon la 24an de juiio je la 11:30 h. Renkontiĝo tie surloke ekde la 11:15 h.

6
Novaĵoj / Nieuws / Monda premiero de opero en Esperanto en ĉeha Nacia Teatro
« Lasta afiŝo de Roland Rotsaert je 05 Julio 2018, 18:46:27 ptm »
La 7-an de aprilo okazis eksterordinara afero, monda premiero de Esperantlingva opero "Sternenhoch" en la Nacia Teatro de Prago!

Temas pri opero, kies muziko estis komponita rekte laŭ teksto en Esperanto, farita de Miroslav Malovec. Muzikon kaj libreton komponis juna komponisto Ivan Acher. La opero havis surprize grandan sukceson, ne nur de spektantoj sed ankaŭ de kantistoj, kiuj diris, ke Esperanton ili taksas kiel ideala lingvo por opero. Okazis 5 spektakloj kaj ĉiuj estis tute disvenditaj tuj post ĝia premiero - dum la tempo de unu semajno! Eĉ je du monatoj antaŭ la lasta spektaklo oni ne povis aĉeti biletojn.

Pavel Pavliĉek, gvidanto de la filmo-retejo Verda Stacio havis la eblon videoregistri la tutan spektaklon por arkivo. Bedaŭrinde oni rajtas publikigi nur mallongajn fragmentojn, eĉ tiujn nur post la permeso de la Teatro.

Fragmento, la lasta minuto de la opero, la 24-an de junio 2018 en Nacia Teatro en Prago: https://www.youtube.com/watch?v=ZfSmjGuNH1I

Pliajn detalojn vi povas legi en la samtema afiŝo en la fejsbuka paĝo de Ret-Info https://www.facebook.com/Ret.Info/ .
7
Agenda / Agendo / Skolta semajno
« Lasta afiŝo de valer je 27 Junio 2018, 09:30:21 atm »
Ĉi jare la tendumado de la Verdaj Skoltoj okazos apud Madrido, Hispanio. Por ĉiuj 11-19 jaruloj :-)
https://verdajskoltoj.wordpress.com/tendumado-en-madrido/
8
Agenda / Agendo / Biblio-tagoj: Mainz 27.2-3.3.2019
« Lasta afiŝo de Roland Rotsaert je 19 Junio 2018, 13:34:32 ptm »

Bibliotagoj en Esperanto
Mainz 27.02. - 03.03.2019
Rhein-Main-Jugendherberge, Mainz
www.esperanto.de/de/keli/aktivitäten

Informoj: Rudolf Fischer, fischru[a]uni-muenster.de
9
Monato / Re: 3 senpagaj monatoj da MONATO!
« Lasta afiŝo de PaulP je 18 Junio 2018, 08:03:13 atm »
Jam 650 personoj petis la senpagajn Monato-tekstojn. Ĉu ni atingos 1000?
Paĝoj: [1] 2 3 ... 10