Essen invitas al ekskurso en Hattingen, 27.6.2015

[Roland Rotsaert]

La Esperanto Grupo Essen denove invitas al ekskurso en sia regiono. En ĉi-tiu jaro ni renkontiĝos je sabato, 27a de junio ek de la 11a horo en Hattingen.
Unue ni vizitos la akvokastelon "Haus Kemnade", (http://www.fv-hauskemnade.de/index.php/de/) proksime de la rivero Ruhr kaj de la baraŭlago Kemander See. Aktiva membro de la subtena asocio montros kaj klarigos al ni i. a. la interesan muzikil-kolekton (Musikinstrumentensammlung Grumbt).

Poste sekvos - depende de la vetero - nia jam kutima pikniko kaj promeno aŭ alia programero. Vespere ni finos la ekskurson per komuna manĝo en restoracio.

Se vi ŝatas partopreni, bonvolu anonci vin skribe ĉe ludger-schmeink@t-online.de aŭ petra.dueckershoff@esperanto.de.

Ni volonte sendos pliajn detalojn pri la programo, loko, vojpriskribo. Bonvolu ankaŭ informi samgrupanojn kaj geamikojn!