+  Esperanto-forum
|-+  Novaj afiŝoj

Novaj afiŝoj

Paĝoj: 1 ... 8 9 [10]
91
Agenda / Agendo / Prelego de Eddy Raats
« Lasta afiŝo de webklaas je 28 novembro 2018, 14:15:00 ptm »
Prezenti la Quercus Suber aŭ korkokverkon sen paroli pri la granda familio de la kverkoj maleblas.

En la unua parto de la prelego ni esploru de pli proksime la komunajn trajtojn de tiuj familianoj: la karakterizoj, la diferencoj la fruktoj ktp. En la dua parto mi prezentos la korkokverkon de pli prosime kaj ĝiajn nenombreblajn eblecojn. Unu bildo rakontas pli ol cent vortoj; pro tio didaktika materialo kaj klarigaj bildoj subtenos la tekston.


Programo de la 20h ĝis la 22h. Pordoj malfermaj ekde 19h30. Laŭ interkonsento eblas pli frue eniri. Adreso: Lange Beeldekensstraat 169, 2060 Antwerpen. Ekscii pli pri la antverpena klubo: https://esperanto.be/antwerpen
92
Agenda / Agendo / Zamenhofa Vespero
« Lasta afiŝo de webklaas je 28 novembro 2018, 14:11:48 ptm »
kun ĉefa celo: kunligi membrojn senkrokodile ĉe bongustaj manĝaĵoj en amika  etoso. La kuira teamo preparos festajn pladojn por nin surprizi.

La menuo estos jena: antaŭmanĝetoj kun aperitivo, ĉefplado, salato, deserto, kafo/teo. Bonvolu mencii se vi deziras vegetaran, veganan, viandan aŭ senglutenan manĝon.

Eblas enskribiĝi por la prezo de 20,00€ ĉe financoj@fel.esperanto.be aŭ 03-234 34 00

Adreso: Lange Beeldekensstraat 169, 2060 Antwerpen. Ekscii pli pri la antverpena klubo: https://esperanto.be/antwerpen



93
Agenda / Agendo / Detektivaj ludoj de Lode Van de Velde
« Lasta afiŝo de webklaas je 28 novembro 2018, 14:07:23 ptm »
Lode prezentos mallongajn misterajn situaciojn kaj helpos la ĉeestantojn solvi ilin.

Programo de la 20h ĝis la 22h. Pordoj malfermaj ekde 19h30. Laŭ interkonsento eblas pli frue eniri. Adreso: Lange Beeldekensstraat 169, 2060 Antwerpen. Ekscii pli pri la antverpena klubo: https://esperanto.be/antwerpen
94
Agenda / Agendo / Re: Esperantokurso por komencantoj kaj progresantoj
« Lasta afiŝo de valer je 27 novembro 2018, 08:07:30 atm »
ĉiun mardon!
95
Ideoj / Ideeën / La Esperanto-forumo atingis rekordon! (Sed kial?)
« Lasta afiŝo de Roland Rotsaert je 25 novembro 2018, 08:19:00 atm »
Dum la pasinta nokto la monata nombro da paĝrigardoj de ĉi tiu forumo atingis la ciferon 100.000. Estas la unua fojo en la preskaŭ dekjara historio de la forumo. Ankaŭ la jara cifero jam nun estas rekorda (840.000 paĝrigardoj). La antaŭa plej sukcesa jaro estis 2013 kun 700.000 paĝrigardoj.

Sed kial? En la propra regiono la forumo ne estas tre populara: nova mesaĝo ĝenerale bezonas 24 horojn por atingi 10 paĝridardojn, kvankam estas kelkaj miloj da paĝrigardoj tage. En la statistika paĝo eblas kontroli kiuj estas la rigardantoj: membroj, gastoj aŭ serĉmaŝinoj. Membroj estas unu aŭ du, foje estas unu serĉmasino, gastoj estas ĉirkaŭ dek. Ankaŭ eblas vidi kion legas la gastoj: estas la malnovaj artikoloj de la forumo, do plejparto de la gastoj verŝajne ankaŭ estas serĉmaŝinoj (aŭ ĉu iuj sekretaj servoj kontrolas la flandran esperantistaron?). Estas montrataj la IP-adresoj de la gastoj, sed mi ne kapablas analizi ilin. Eble en la statistikejo (aŭ en pli nova versio de la forumo) estas iu plia analizilo?

Mi konsilas al interesitoj aranĝi sian TTT-legilon (Google Chrome, Internet Explorer...) tiel ke la forumo estas aŭtomata montrata ĉe la starto de la programo. Tiel oni ne povas 'forgesi' ĝin. Ĉe multaj novaĵretejoj eblas fari tion per unu musklako; ĉu ankaŭ en nia forumo?
96
Novaĵoj / Nieuws / Sennacieca Revuo 2018
« Lasta afiŝo de Roland Rotsaert je 24 novembro 2018, 09:27:13 atm »
Ĵus aperis la ĉi jara numero de Sennacieca Revuo (http://www.satesperanto.org/spip.php?article4235). Jen kelkaj eroj el la enhavo:
  • En 'La praktika internaciismo de Esperanto' Xavi Alcalde verkas pri Esperanto dum la Unua Mondmilito. Estas artikolo kiu iom kompletigas la Monato-artikolon 'Esperanto kaj Ruĝa Kruco' (https://www.esperanto.be/fel/publika/012313p.php).
  • Ĝemil Ksus esploras la fontojn de la civitana milito en Sirio
  • Roland Platteau rerakontas la vojaĝon kiun faris la frislandano Sipke Stuit (https://eo.wikipedia.org/wiki/Sipke_Stuit) per ruldometo en 1932 el suda Francio al sia hejmo, pasanta tra la 24a UK en Parizo.
97
Agenda / Agendo / 86a Itala Kongreso de Esperanto en Trieste
« Lasta afiŝo de Roland Rotsaert je 23 novembro 2018, 07:59:35 atm »
De la 24a ĝis la 31a de aŭgusto en Trieste okazos la 86a Itala Kongreso de Esperanto. Temo estos: "Multkulturismo kaj plurlingvismo hodiaŭ".
Informoj: https://kongreso2019.esperanto.it/eo/ kaj kongreso@esperanto.it
98
Volontula agado / Vrijwilligerswerk / Volontula agado de Eddy Van den Bosch
« Lasta afiŝo de Eddy VdBosch je 22 novembro 2018, 23:11:05 ptm »
Agado por FEL:
Ĉiujara organizado de nia partopreno en la kultura foiro (Cultuurmarkt) fine de aŭgusto kaj zorgi pri diversaj praktikaj aferoj kiel kunmetado de horaro por niaj deĵorantoj en la foiro.
Okaze de renkontiĝo eksterlanda, kunporti etan libroservon kaj prezenti kaj vendi librojn.

Agado por La Verda Stelo:
Regula deĵorado en la bufedo
Praktikaj helplaboroj okaze de renkontiĝoj (komputilaj teknikaĵoj, helpi pri kuirejaj taskoj, ...)
Ĉiujare kunmeti fotosuperrigardon de la pasintaj klubaj kunvenoj.
99
Merkredon la 21an de Novembro 2018 je la 18:30Prelego de Aleksandr MELNIKOV   pri « Mi serĉis novon kaj diverson… »

Aleksandr MELNIKOV malkovrigos al ni pri siaj (fi)aventuroj en la mondo dum E-vojaĝoj.

Dum mia 53-jara esperantumado mi vizitis pli ol duonan centon da landoj de ĉiuj kontinentoj, plejparte dank' al kaj pro Esperanto. Abundis spertoj pri E-aranĝoj kaj surprizoj de interkulturaj diferencoj. Okazis pluraj fi- kaj bonaventuroj. Pri ĉio ĉi - la onta rakonto.

Mi intencas kunpreni 4 librojn:

1. Gvidlibro tra Esperantio... (A Melnikov, 2015) - vendoprezo ĉe UEA 39 eŭr. + afranko + imposto; la mia - 30.

2. Tutmondiĝado - lingvoj de malgranda disvasteco - interlingvistiko: situacioj kaj problemoj. Vol. 2 (tute en Eo). Laŭ materialoj de Ĉuvaŝa interlingvistika konferenco. 2006. 116 p. Prezo - 6 eŭr. (UEA vendas nur kun vol. 1, tute ruslingva. Ambaŭ kune kostas 21 eŭr. + afranko + imposto.)

3. Vojaĝo en Esperanto-lando (B. Kolker, 1992, 1-a eld.). UEA vendas kontraŭ 6,90; mi - 5.

4. Pri E-aj vortoj - kun humuro kaj serioze. (A. Melnikov, 2018). 212 p., ilus. Supozata prezo ĉe UEA 18; ĉe mi - 13.

Ĉe la 2a etago, salono Casablanca 2, De Pianofabriek, Fortstraat 35, 1060 St-Gillis
Nikolao
100
Volontula agado / Vrijwilligerswerk / Volontula agado de Mireille Storms
« Lasta afiŝo de Forstbirdo je 16 novembro 2018, 11:05:39 atm »
Kion mi faras kiel volontula kunlaborantino por la Esperanto-movado?  Same kiel en 1980 kiam la neceso sin prezentis plibelaspektigi la Esperanto-domon en la Frankrijklei, freŝdate, komence de la jaro 2017, denove sin prezentis la problemo por la finfine propra domo en Lange Beeldekensstraat 2060 Antwerpen.
Mi kaj Willy, mia edzo, prezentis nin pro granda manko de helpantaj manoj, kiel volontulaj kunlaborintoj. Willy profesie scipovas ion koncerne elektrajn fadenojn, kaj mi precipe ŝatas instigi lin uzi sian konon favore al pli agrabla vivo en Esperantolando, loko kie troviĝas parto de miaj ŝatokupoj.  Ekzistas uloj kiuj helpas la Esperanto-movadon pere de volontula laboro kiel aranĝi arĥivaĵojn aŭ librojn.  Sed ni preferas la malpuran bezonatan manlaboron!  Mi ekzemple plej fieras pri la nuna tegolado de la tri necesejoj en la nova sidejo.  Ne estas simple decidi, kunporti kaj aranĝi tiom da peza materialo kaj kunpreni laborilojn.  Sed konsiderite nun, nia laboro estis ege necesa kaj utila. Proponi eblojn al personoj, esti membro de sia preferata asocio, feliĉigas.  Ĉar asocioj estas la glisilo de la kultura vivo kiun ni ĉiuj bezonas.  Vere, nia de tempo al tempo minimuma kunlaboro al la iom pli glata funkciado de la antverpena Esperanto-vivo, feliĉigas nin mem unualoke.  Ĉar la plej granda kontentigo en la vivo ne aperas el kion vi aĉetas aŭ havas, sed el tion kion vi realigas.
Do ek al la agado, kontribuu, realigu pli interesan vivon por aliaj kaj por vi mem!

Mireille


Paĝoj: 1 ... 8 9 [10]