Esperanto-forum
Agendo / Agenda => Agenda / Agendo => Fadeno komencita de: Roland Rotsaert je 02 majo 2017, 20:24:26 ptm
-
Dum la prelego de la 26a de aprilo, Bernard-Régis prezentis la originalan Mundaneum-on.
De 1910 ĝis 1934, tiu centro funkciis en Bruselo. En ĝi troviĝis: Universala Bibliografia Repertuaro, sidejo de la Unuiĝo de Internaciaj Asocioj, Internacia Muzeo, Internacia Biblioteko, Muzeo de la Libro, Internacia Universitato, ktp.
En 1993 la restojn de tiu centro oni metis en novan Centron de Arkivoj, en Mons. Tiu nova Mundaneum-o prezentas ekspozicion pri la originala Mundaneum-o, kaj portempajn ekspoziciojn. Nun temas pri granda ekspozicio pri la movadoj por la Paco en Belgio. Aldone, la konstruaĵo estas en stilo Deko-Arto, kaj la interno estis enscenigita de Schuiten kaj Peeters.
Fine tio troviĝas en la centro de Mons, kie ni povos admiri aliajn vidindaĵojn. Ni planas la viziton ĉirkaŭ la 14a posttagmeze surloke. Centre d'archives de la Fédération Wallonie - Bruxelles et espace d'exposition temporaire - 76 rue de Nimy - 7000 Mons
Se vi venas de Bruselo ni povas organizi kunveturadon de unu aŭ du loko(j) difinenda(j). Rendevuo je la 13a.
Por tio nepre sciigu sufiĉe antaŭe vian partoprenon al Bernard-Regis prezidanto@esperantobruselo.org aŭ al Nikolao nikolao@esperantobruselo.org
Vizitu la retejon de la Mundaneumo http://mundaneum.org/
Amike
Nikolao
-
Mi memoras ke la brusela Esperanto-grupo siatempe sisteme sendis sian revueton Esperanto Aktuala, eble ankorau aliaj libroj en au rilate al Esperanto, sed karmemora Elfriede Ernst ne plu povas komenti pri tio...