Novaj afiŝoj

1

Kortrijk / Tago de la Flandraj Ardenoj

« Lasta afiŝo de PaulP je 11 aprilo 2026, 08:37:57 atm »

DEĴORANTOJ  POR  INFORMBUDO  SERĈATAJ

Ni volas montri Esperanton dum la informbazaro en la Tago de la Flandraj Ardenoj.

Pro tio ni serĉas deĵorantojn por la informbudo de Vlaamse EsperantoBond (ekde 11h ĝis 17h).

 

Ĉu vi volas kunhavigi vian entuziasmon pri Esperanto, viajn spertojn pri Esperanto?

Vi estos tre bonvena, duopo eĉ pli kaj krome estos pli agrable. Se estas pli ol unu kandidato, ni povas dividi la taskojn en pluraj deĵorperiodoj.

 

Kontaktu piet.glorieux@gmail.com

2

Loveno / Zoektocht in Leuven

« Lasta afiŝo de PaulP je 11 aprilo 2026, 08:32:02 atm »

Je la 1a de majo, Esperanto 3000, la grupo de Loveno, organizas foto-serĉpromenon kun la temo "BRILAJ MENSOJ".En Loveno oni instruas jam ekde la 2a de oktobro 1426, alivorte: jam dum 600 jaroj! Tra tiu ĉi foto-serĉpromeno, vi konatiĝos kun brilaj mensoj ne nur el la pasinto, sed ankaŭ el la nuntempo.La itinero konektas la lokojn en la urbo, kun kiuj ili havas ligon. Por malkovri la urbon kaj ĝiajn brilajn mensojn, nepre venu al nia serĉpromeno.Eblas fari la promenon en grup(et)o, duope, aŭ sole, laŭ via plaĉo. La teksto de la promeno disponeblos en la nederlanda lingvo kaj en Esperanto. Do, ankaŭ partneroj, geamikoj, ... kiuj ne regas Esperanton, estas bonvenaj.Partopreno estas senpaga. Por anonci vian partoprenon, simple sendu mesaĝon al <lodchjo@yahoo.com>.
 Jen la loko por komenci, kaj kie vi ricevos la libreton: Erasmushuis, Blijde Inkomststraat 21, 3000 Leuven. Vi povas komenci inter la 13a kaj 14a horo.Por aktualaj informoj, vidu: https://eventaservo.org/e/brilajmensoj

3

Novaĵoj / Nieuws / Vortaro pri Internacia Ekonomio kaj Komerco

« Lasta afiŝo de Roland Rotsaert je 05 aprilo 2026, 07:52:39 atm »

Mi ĝojas informi vin, ke mi redaktis kaj pretigis novan verkon: Vortaro Esperanto–Angla–Ĉina pri Internacia Ekonomio kaj Komerco.
Ĉi tiu vortaro estas speciale destinita al homoj, kiuj interesiĝas pri internacia ekonomio, komerco, entreprenado, merkatoj, negocado, loĝistiko kaj rilata faka komunikado. Mi esperas, ke ĝi povos esti utila ilo por IKEF-anoj en studado, laboro, tradukado kaj internacia kunlaboro.
Nuntempe la vortaro enhavas 3 047 kapvortojn kaj estas disponebla sur du platformoj: la Windows-komputila versio kaj la poŝtelefona versio. La vortaro prezentas terminojn en tri lingvoj — Esperanto, la angla kaj la ĉina — por helpi al uzantoj pli facile kompreni kaj uzi fakajn ekonomiajn kaj komercajn esprimojn en internacia medio.
Mi tutkore bonvenigas vin provi ĝin. Jen la retejo por informiĝi pri la vortaro:
https://www.sinoatlantic.com/v1/index.html
Se vi havos tempon por trarigardi ĝin kaj sendi al mi viajn komentojn, korektojn aŭ proponojn, mi estos tre dankema. Viaj spertoj kaj sugestoj estos por mi tre valoraj por plu perfektigi ĉi tiun laboron.
Mi sincere esperas, ke ĉi tiu vortaro povos fariĝi praktika kaj utila helpilo por la IKEF-komunumo.
Dankon pro via atento kaj subteno!

Kun amikaj salutoj,

John Huang  szbizsz@gmail.com

4

Monato / Singapura inundo

« Lasta afiŝo de PaulP je 03 aprilo 2026, 07:30:06 atm »

Ĉiumonate redaktoro de Monato rigardas la statistikojn de Google por ekscii, kiuj estis en la pasinta monato la plej ofte konsultataj – kaj do verŝajne ankaŭ legataj – tekstoj en la retejo de Monato. Ofte la rezultoj estas „logikaj”. Ekzemple iom post la atakoj de la Monato-serviloj fare de rusaj kaperistoj, informoj pri tio estis plej ofte legataj. Sed ne ĉiam la rezultoj estas logikaj. En marto ĉi-jara la plej ofte konsultata teksto estis intervjuo el 2024, nome artikolo de Tommaso Melacotte „Afriko: vojoj al nacia sendependeco en Ganao kaj Tanzanio” el la decembra numero (https://www.monato.be/2024/013612.php). Ĉu eble iu menciis tiun artikolon en socia retejo, kaj sekve pluraj alklakis ĝin?

Alia ero el la monata statistiko estas eĉ pli miriga. La plej fervoraj konsultantoj de la Monato-retejo troviĝas en ... Singapuro. En marto 1074 diversaj personoj el Singapuro vokis artikolon el Monato. Ĉu entute en Singapuro estas tiom da Esperanto-parolantoj?

Interreto estas plena de misteroj!

5

Novaĵoj / Nieuws / Plena IlustrAta Vortaro

« Lasta afiŝo de PaulP je 02 aprilo 2026, 05:55:18 atm »

Certe multaj inter vi posedas ankoraŭ ekzempleron de „Plena Ilustrita Vortaro” kaj eble miris pri tio, kial ĝi nomiĝas „ilustrita''. Efektive, ilustraĵoj estas apenaŭ troveblaj en tiu dika vortaro. Kelkaj eĉ ŝerce nomis ĝin la „Pene Ilustrita Vortaro”. La venonta eldono tamen havos centojn, eble milojn da fotoj, de ekzemple fruktoj, arboj, konstruaĵoj ktp, kiuj helpu al la uzantoj pli bone kompreni la difinojn. Ĉar ankoraŭ nun oni konstante aldonas fotojn, oni povas do iom ŝerce nomi ĝin „Plena IlustrAta Vortaro”.

Kiu volas vidi la progreson de la vortaro povas jam nun uzi ĝin enrete, ne nur por vidi la fotojn, sed ankaŭ por konsulti la milojn da novaj terminoj, kiuj ankoraŭ ne aperis en la iama presita eldono. Ĝi estas konsultebla de la jena adreso: https://testo.vortaro.net/

Post la difinoj tre ofte aperas ankaŭ ekzemploj de la praktika uzo de la vorto. Menciindas, ke en la nova vortaro troviĝos pluraj centoj da ekzemplofrazoj el Monato, la prestiĝa revuo eldonata de Flandra Esperanto-Ligo.

6

Ideoj por antaŭ­enigi Esperanton / Ideeën ter bevordering van Esperanto / Esperanto Nederland weigert militaire inzet Esperanto

« Lasta afiŝo de Roland Rotsaert je 01 aprilo 2026, 11:55:37 atm »

Esperanto Nederland heeft het Ministerie van Defensie laten weten zijn initiatief om Esperanto te gebruiken binnen de Europese Defensie niet te ondersteunen. Vredestaal hoort niet in kazernes.

(persmededeling 28 maart 2026, zie https://esperanto-nederland.nl/index.php/2026/03/28/militaire-inzet-esperanto/ , bericht ook verspreid via nieuwsbrief Onze Taal)

7

Familia vivo / Timothy Brian CARR (1943-2025)

« Lasta afiŝo de PaulP je 28 marto 2026, 07:00:38 atm »

Nur nun ni ekscias pri la forpaso de Timothy Brian CARR en la aĝo de 83 jaroj. Tim estis la redaktoro de la rubriko Medio de Monato de 1993 ĝis 1997. Li restis abonanto de Monato ĝis 2022, sed poste ni perdis kontakton kun li.

Tim estis konata ankaŭ i.a. danke al Esperanta Antologio (Rapsodio Kimra) kaj de la Internaciaj Floraj Ludoj, kie li fariĝis Florluda Majstro. Plurfoje li estis premiita en la Belartaj Konkursoj. Ne senbaze do William Auld nomis lin „ĝisosta poeto vere dediĉita al sia arto”. Lia verko „Sur Parnaso”, eldonita ĉe FEL, donacas al poezi-amantoj rikolton de premiitaj kaj nepremiitaj poemoj.

Por iom omaĝi al la forpasinto, la Retbutiko de FEL proponas al vi lian verkon „Sur Parnaso” duonpreze ĝis la fino de aprilo 2026.

8

Familia vivo / Julien Driesen 1925-2026

« Lasta afiŝo de Roland Rotsaert je 26 marto 2026, 20:23:02 ptm »

Op 15 maart 2026 is Julien Driesen te Hasselt overleden.

Naar aanleiding van het Beneluksa Kongreso 2024 in Hasselt hebben enkele congresdeelnemers hem een bezoek gebracht en later, kort voor zijn honderdste verjaardag, volgde nog een tweede bezoek.

Julien is slechts een korte periode als esperantist actief geweest. Hij leerde Esperanto door zelfstudie tijdens de Tweede Wereldoorlog en correspondeerde na de oorlog nog enkele jaren met buitenlandse esperantisten, maar door beroeps- en familiale omstandigheden bleef dit niet duren. Het was verbazend te horen hoveel hij zich op hoge leeftijd nog uit deze korte periode herinnerde.

Wat meer informatie staat op https://vikiflandrio.alcl.be/_bezoek/__personoj/pers_gevonden.php?pe_id=02501 .

Roland Rotsaert

9

Antverpeno / Mata Hari

« Lasta afiŝo de PaulP je 26 marto 2026, 16:13:52 ptm »

La 27an de marto Klaas Dijkstra prelegos pri Margaretha Geertruida Zelle, en la mondo pli bone konata kiel Mata Hari.
Ŝi, precipe en Francio, famiĝis kiel erotika dancistino. Poste estiĝis multaj flustroj kaj onidiroj pri ŝia rolo en la socio kaj la unua mondmilito.
Fine ŝi estis ekzekutita antaŭ 109 jaroj. Sendube multe rakontindas pri ŝia ege aventura vivo.
 
Ĝis la 27an de marto je la 20a horo CET, ĉe https://us02web.zoom.us/j/86265356744?pwd=b81H9H3UyasrMmMm00qsJqHS3ma7II.1

10

FEL / VEB / Retbutiko denove funkcias

« Lasta afiŝo de PaulP je 26 marto 2026, 09:30:09 atm »

Kelkaj membroj avertis nin pri la fakto, ke kelkfoje la Retbutiko ne funkcias. Ili ricevis ekzemple la mesaĝon "Vi ne havas la rajton viziti tiun ĉi paĝon". Tio nun estas solvita. Fakte la problemo ne estis ĉe ni, sed ĉe la Interreto-ĉefo ICANN. Ili striktigis la regulojn. Sekura retejo (kiel Retbutiko.be) ne rajtas enhavi ligilojn al nesekuraj retejoj, ekzemple al retejo kun recenzo pri la serĉata libro. Ni devas averti, ke oni forlasas la sekuran servilon de FEL kaj la uzanto devas konfirmi, ke li konscias pri la riskoj. Tio nun estas programita kaj nun ĉio devus funkcii.