Aperis en MONATO en 2024 entute 183 artikoloj en (kiel kutime) 11 numeroj 28-paĝaj. La artikoloj estis verkitaj de 69 aŭtoroj el ĉiuj kontinentoj.
Estis en 2024 entute 911 abonantoj. Ĉiam pli popularaj iĝis la bitaj versioj (462 abonantoj), kies kvanto nun iom superas tiun de la abonantoj de la presita versio (449 abonantoj). Necesas mencii, ke kelkaj abonas pli ol unu version. Krom tio aperadis la voĉlegata versio en la formo MP3 en kunlaboro kun Ligo Internacia de Blindaj Esperantistoj.
Redaktoroj Ne okazis ŝanĝo en la redaktora skipo en 2024. La tuta listo estas konsultebla en la kolofono:
https://www.monato.be/kolofono.phpReviziado kaj faktokontrolado La skipo de dek lingvaj reviziantoj kaj unu faktokontrolanto restis sama. Ili tre harmonie kunlaboras. La ĉefredaktoro nun konstante korespondas kun la redakta teamo de la nova PIV, kaj novaj aktualaj terminoj aperontaj kaj en MONATO kaj en PIV estas diskutataj.
Grafiko La grafikan aspekton de la revuo plu prizorgas du katalunaj spertuloj: Ferriol Macip i Bonet kaj Zep Armentano.
Kunlaborantoj Fine de 2024 MONATO havis 71 registritajn kunlaborantojn kun kunlaborkontrakto kaj centon da okazaj aŭtoroj.
Ekspedo La presitajn ekzemplerojn de MONATO dissendas la centro de FEL en Antverpeno. La numeroj estas sendataj kun la belga, nederlanda, franca kaj svisa poŝtoj. Tiu situacio kontentige funkcias.
Retejoj La tri plej vokitaj tekstoj en la retejo de MONATO estis „Monato atakita” de la ĉefredaktoro (
https://www.monato.be/publika/013614p.php), „Ĝustamezure de via nostalgio!” de Fernando Pita (
https://www.monato.be/publika/011254p.php) kaj „Rusio: Portreto de opoziciulo” de Aleksej Salomatov (
https://www.monato.be/publika/013054p.php). Tiu ĉi lasta tamen jam aperis en marto 2022 kaj restas multe legata.
La plej multaj vizitantoj de la retejo venas el Usono (2000 vizitantoj), Ĉinio (875 vizitantoj), Germanio (789), Pollando (759) kaj Francio (414). Necesas tamen noti, ke en landoj kun totalisma reĝimo legantoj plej ofte uzas sekretan retumilon, kaj tiuj vizitoj ne aperas en la statistikoj.
En Facebook MONATO havas 3000 sekvantojn (
https://www.facebook.com/revuo.Monato). Krome ĝi havas milon da sekvantoj en Instagram (revuomonato) kaj kelkcenton en Telegramo (monato.telegramo.org) kaj en Mastodon (@monato@esperanto.masto.host). La ĉefredaktoro kaj kelkaj redaktoroj tie regule afiŝas tekstojn por veki atenton pri la revuo.
La 15an de ĉiu monato la ĉefredaktoro afiŝis malgrandan filmeton en Jutubo (
https://www.monato.be/jutubo). Tiuj filmetoj estis spektataj mezume inter 100 kaj 375 fojojn.
Esperanto-forum
Fadeno: Raporteto pri la revuo Monato en 2024 (Legita 48 fojojn)