+  Esperanto-forum
|-+  Novaj afiŝoj

Novaj afiŝoj

Paĝoj: 1 2 [3] 4 5 ... 10
21
Agenda / Agendo / LEA, Peer: Limburga Tago - Gruitrode
« Lasta afiŝo de An Olijslagers je 27 januaro 2024, 16:43:08 ptm »
Ni sekvos la paŝojn de Phil Bosmans, la pastro kiu verkis tre belajn tekstojn.
Certe vi konas la libreton: "Ik hou van jou" (Mi amas vin).
Ni vizitos la monaĥejon kie li vivis.
22
Agenda / Agendo / LEA, Peer: Toki Pona
« Lasta afiŝo de An Olijslagers je 27 januaro 2024, 16:38:50 ptm »
Ni parolos pri alia inventita lingvo: Toki Pona.
La vortprovizo estas tre limigita. Vortoj havas plurajn signifojn.
El la kunteksto oni devas kompreni pri kio oni parolas.
23
Agenda / Agendo / Kluba kunveno Kalmthout
« Lasta afiŝo de Forstbirdo je 23 januaro 2024, 20:34:42 ptm »
La 15-an de februaro : Nia membro Johan Donckerwolcke prelegas pri la restaŭro de antikvaj mebloj.  Aldone : S-ino Boehme, edzino de Ehrhard Boehme, iama membro de nia Esperanto-klubo, ofertis al Mireille (la 1-a) CD-n kun fotobildoj el la jaro 1985. Enaperas S-ro Willy Huybrechts, gesinjoroj Maria kaj Michel Wils, Yves, Wim, Henny, Fons, Stella, Jules, Clementine, Denise, Edward Spitaels kaj Karel & Anita, Mireille, Willy.  Estu bonvenaj je la kutima horo en la konata ejo.
24
Agenda / Agendo / Jarkunveno, regala akcepto, raportoj pri agado kaj financoj
« Lasta afiŝo de laprogreso je 12 januaro 2024, 11:29:38 atm »
Akcepto je la19.30 horo en Peter Benoitlaan 117 Gentbrugge
25
UEA / Starigita premio omaĝe al Grégoire Maertens
« Lasta afiŝo de Roland Rotsaert je 11 januaro 2024, 19:44:52 ptm »
Gazetara komuniko de UEA N-ro 1148 (2024-01-02)


Starigita premio omaĝe al Grégoire Maertens, eksa Prezidanto de UEA, pro lia 100-jariĝo

Honore al la eksa Prezidanto de UEA Grégoire Maertens, kiu iĝis 100-jara la 1-an de januaro 2024 kaj kiu rolis kiel prezidanto dum la jaroj 1980-1986, estas starigita la premio Grégoire Maertens, aljuĝota ĉiujare al organizaĵo aŭ esperantisto, kiu aparte kontribuis aŭ kontribuas al la progreso de la movado por Esperanto kaj rilataj demandoj.
La ĵurio de la premio konsistas el la eksaj prezidantoj de UEA, kiuj pretas servi por tio. Jam konsentis partopreni ĉiuj vivantaj eksprezidantoj: Renato Corsetti, Probal Dasgupta, Mark Fettes, Humphrey Tonkin kaj John Wells.
La ĵurio aperigos gvidliniojn pri la proceduro por prezenti proponojn kaj pri la maniero anonci la gajninton ĉiujare. La premio venos el starigata Fondaĵo Grégoire Maertens, al kiu kontribuos la familio Maertens, sed ankaŭ esperantistoj, kiuj admiras la agadon de Grégoire por Esperanto. La fondaĵo celas helpi daŭrigi la premion, kaj donacoj al ĝi bonvenas pere de UEA: https://uea.org/alighoj/donacoj/maertens. Pliaj detaloj pri tiu omaĝo al Grégoire oni povos legi ankaŭ en la revuo Esperanto, kiujn ricevas abonantoj kaj ĉiuj individuaj membroj de UEA.
26
Monato / Rasporteto pri Monato en 2023
« Lasta afiŝo de PaulP je 06 januaro 2024, 17:02:33 ptm »
Aperis en MONATO en 2023 entute 184 artikoloj en (kiel kutime) 11 numeroj, el kiuj 1 estis 36-paĝa, 5 estis 32-paĝaj kaj 5 estis 28-paĝaj.
 
Estis mezume 800 abonantoj. Ĉiam pli popularaj iĝis la bitaj versioj (325 abonantoj), sed restas plej ŝatata la presita versio (450 abonantoj). Necesas mencii, ke kelkaj abonas pli ol unu version. Krom tio aperadis la voĉlegata versio en la formo MP3 en kunlaboro kun Ligo Internacia de Blindaj Esperantistoj.
 
 
Redaktoroj
 
Fine de 2022 pro aĝo demisiis Boris Kolker, la multjara redaktoro pri la rubriko Librorecenzoj. En 2023 transprenis tiun taskon Edmund Grimley Evans, kiu jam estis redaktoro de la rubriko Komputado kaj lingva revizianto.
 
 
Reviziado kaj faktokontrolado
 
La skipo de dek lingvaj reviziantoj kaj unu faktokontrolanto restis sama. Ili tre harmonie kunlaboras. La ĉefredaktoro nun konstante korespondas kun la redakta teamo de la nova PIV, kaj novaj aktualaj terminoj aperontaj kaj en MONATO kaj en PIV estas diskutataj.
 
 
Grafiko
 
La grafikan aspekton de la revuo plu prizorgas du katalunaj spertuloj: Ferriol Macip i Bonet kaj Zep Armentano.
 
 
Kunlaborantoj
 
Fine de 2023 MONATO havis 102 registritajn kunlaborantojn kun kunlaborkontrakto kaj centon da okazaj aŭtoroj.
 
 
Ekspedo
 
La presitajn ekzemplerojn de MONATO dissendas la centro de FEL en Antverpeno. La numeroj estas sendataj kun la belga, nederlanda, franca kaj svisa poŝtoj. Tiu situacio kontentige funkcias.
 
 
Administrado
 
La administradon de la abonoj ĉefe faris Gerd Jacques kaj Paŭl Peeraerts.
 
 
Retejoj
 
La tri plej vokitaj tekstoj en la retejo de MONATO estis „Surdula lingvo sen signolingvo” de Hatachi Toshiko el Japanio (https://www.monato.be/publika/013356p.php), „Milito kaj arto” de Cho Sung Ho el Koreio (https://www.monato.be/publika/013269p.php) kaj „Muzeoj de Ukrainio en la milito” de Світлана Гаврилюк kaj Ніна Данилюк (https://www.monato.be/publika/013445p.php). Certe ne estas hazardo, ke „milito” estis temo pri kiu multaj interesiĝis.
 
La plej multaj vizitantoj de la retejo venas el Usono kaj Ĉinio (po 1200 vizitantoj), Germanio (1100), Suda Koreio (985), Francio (625) kaj Britio (538). Belgio venas en la naŭa loko (328).
 
En Facebook MONATO havas 2900 sekvantojn (https://www.facebook.com/revuo.Monato). Krome ĝi havas centojn da sekvantoj en Instagram (revuomonato), en Telegramo (monato.telegramo.org), en X (@revuomonato) kaj en Mastodon (@monato@esperanto.masto.host). La ĉefredaktoro kaj kelkaj redaktoroj tie regule afiŝas tekstojn por veki atenton pri la revuo.
 
La 15an de ĉiu monato la ĉefredaktoro afiŝis malgrandan filmeton en Jutubo (https://www.monato.be/jutubo). Tiuj filmetoj estis spektataj mezume inter 100 kaj 200 fojojn.
27
Agenda / Agendo / Kluba kunveno Kalmthout
« Lasta afiŝo de Forstbirdo je 27 decembro 2023, 16:41:52 ptm »
Ni invitas vin partumi la jenan kunvenon en la “Heide City” de Heide-Kalmthout, Heidestatiestraat, kiel kutime ĉiun trian ĵaudon de la monato, inter la 15a 30 – 17a horoj :


18 januaro 2024 : Kasverslag en jaarverslag 2023 en verkiezing nieuw bestuur. Kiel kutime en januaro la kunveno estos dediĉata al la financa raporto kaj al la ĝenerala Erikeja raporto pri la antaŭa jaro. Sekvos la elekto de la estraro por 2024.Rob Ebenau rakontos kaj prezentos bildojn pri sia ĉeesto dum la Universala Esperanto-Kongreso de aŭgusto 2023 en Torino (Italujo). Nicky Janssen kontribuas pri la finjara 2023 Esperanto-renkontiĝo “Luminesk” kiu estas okazinta en la germana ŝlimej-insulo (waddeneiland) Nordeney.
28
Ĉu vi ne sukcesis rekte rigardi la prelegojn de la akademianoj? Ondo de Esperanto prezentas resumojn de la prelegoj kaj ligilon al la retejo de la Akademio, kie ili estas daŭre spekteblaj.
29
Kursoj / Cursussen / Esperantocursussen per Zoom voor niveaus A1 tot C1
« Lasta afiŝo de Roland Rotsaert je 20 decembro 2023, 16:17:55 ptm »
De Londense Esperantoclub start in januari 2024 een nieuwe reeks Esperantocursussen via Zoom, voor verschillende niveaus, vanaf beginners, en op verschillende dagen en uren (telkens een uur, eenmaal per week, groepen van maximum 15 personen).

Bekijk de details op https://londonaesperantoklubo.com/online-esperanto-courses.html .
30
Kursoj / Cursussen / Invito al du kvinmonataj retaj kursoj
« Lasta afiŝo de Roland Rotsaert je 18 decembro 2023, 10:24:33 atm »


Jagelona Universitato invitas al du Esperanto-kursoj: 1. Lingva precizeco 2. Verkado de tekstoj - gvidotaj vive, en Interreto

Studu Esperanton ĉiusemajne, kun aliaj esperantistoj, loĝantaj en diversaj landoj. La Jagelona Universitato en Krakovo, Pollando, proponas al esperantistoj de la tuta mondo du novajn kursojn gvidotajn vive, en Interreto.


kurso 1: Praktika kurso: lingva precizeco, kun speciala atento al la malfacilaj gramatikaĵoj.


kurso 2: Kurso por verkistoj, ĵurnalistoj, aŭtoroj de blogoj kaj aliaj verkantoj.

Informoj: mmajerczak@gmail.com - https://bit.ly/37MIYye
Paĝoj: 1 2 [3] 4 5 ... 10