+  Esperanto-forum
|-+  Novaj afiŝoj

Novaj afiŝoj

Paĝoj: [1] 2 3 ... 10
1
Agenda / Agendo / 80a Hispana E-Kongreso: 29.4-3.5.2022 en Comillas
« Lasta afiŝo de Roland Rotsaert je 19 septembro 2021, 20:00:14 ptm »

Post la interkonsento atingita de la  Hispana Esperanto-Fedracio (HEF) kun la Kantabra Esperanto-Asocio (KantEA) kaj la loka Magistrato de Comillas, oni jam povas anonci ke la 80a Hispana Esperanto-Kongreso okazos en Comillas, de la 29a de aprilo ĝis la 3a de majo, en la jaro 2022.


Venu kaj ĝuu grandan esperantan kulturaranĝon en Hispanio. Kontaktu la LKK-on (kongreso@esperanto.es) se vi deziras ankaŭ kunlabori en la organizado, kaj proponi programeron.

Kaj por antaŭgustumi la etoson de la HEF-Kongresoj, ni proponas al vi viziti la jutuban paĝon de HEF, en kiu vi povos spekti diversajn filmetojn pri pasintaj renkontiĝoj: alklaku https://www.esperanto.es/hef/index.php/120-kongresoj
2
Familia vivo / Erwin Boute (1965-2021)
« Lasta afiŝo de PaulP je 18 septembro 2021, 13:55:47 ptm »
Neatendite forpasis Erwin Boute, la edzo de nia aktivulino Ilse Jacques, bofrato de Gerd Jacques. La adiaŭa ceremonio okazos la 25an de septembro je la 13:30 en aula Chrysant, Jules Moretuslei 2 angulo Legerstraat en Wilrijk.  Pli da informoj en la aldonaĵo.

Nome de FEL mi kondolencas Ilse kaj la tutan familion.
3
Agenda / Agendo / 2-3 okt. 2021: Virtuala Hispana E-Kongreso
« Lasta afiŝo de Roland Rotsaert je 18 septembro 2021, 08:20:32 atm »
La 79a Hispana Esperanto-Kongreso okazos (virtuale) je 2-3 oktobro 2021.

Kadre de venonta virtuala kongreso de Hispana Esperanto-Federacio oni prezentos du novajn librojn. Temas pri "Omaĝe al Lorca" antologio de poemoj de Federico García Lorca kun aldonaj esearo kaj komentarioj de Miguel Fernández, kaj "Cigana romancaro", dua eldono de la poemaro de Lorca en bita formato. Ĉi lasta estos siatempe disponebla en Bitoteko.

Fakte temas pri omaĝo al la poeto en la 85 datreveno de lia murdo kaj al Fernando de Diego, tradukinto de Cigana romancaro, en la 50-jariĝo de la apero de la esperanta traduko.

La aliĝo estas senpaga sed necesa: https://esperantujo.io/hef/alighilo/

Kaj jen la kongresejo: https://www.esperanto.es/hef/index.php/kongreso/kongresejo

4
Esperanto-literaturo kaj -muziko / Antaŭ 700 jaroj mortis Dante Alighieri
« Lasta afiŝo de Roland Rotsaert je 14 septembro 2021, 07:09:14 atm »

Kara literaturamanto,

Antaŭ 700 jaroj, la 14an de septembro 1321 mortis la itala poeto Dante Alighieri (https://eo.wikipedia.org/wiki/Dante_Alighieri). Ĉe FEL haveblas de li la libroj Purgatorio (la dua kantiko de la ĉefverko La dia komedio; https://www.retbutiko.be/eo/ero/purg) kaj Vivo nova (la unua amromano de la itala literaturo; https://www.retbutiko.be/eo/ero/vnov). Se vi ne jam havas ĉi tiujn librojn, mendu ilin de la Retbutiko (www.retbutiko.be).

Agrablan legadon!
5
Agenda / Agendo / Tago de Samarkando - 18 oktobro 2021
« Lasta afiŝo de Roland Rotsaert je 10 septembro 2021, 17:01:43 ptm »


Baldaŭ denove venos la signifoplena dato kaj festa okazaĵo por la urbo, pri kiu multaj loĝantoj de nia planedo ŝatas pensi, memori, revi kaj paroli.  La 18-a de oktobro  –  la Tago de Samarkando.  La evento celas refokusigi nian rigardon je alloga belo, unika aromo kaj arkitektura dekoro de  la urbo, listigita en la registro de Monda Heredaĵo de Unesko.

Tradicie, estas invitataj kontribui ĉiuj, por kiuj Samarkando estas pli ol nura urbo. Por kiuj ĝi estas vivanta memoro, emociplena historio, signifa malkovro, amdeklaro, rendevuejo kaj eĉ sorto. Ĉiuj, kiuj persone spertis la mirindaĵojn de Samarkando en realo, ĉu de malproksime, ĉu estinte tuj apude aŭ eĉ nur en siaj pensoj aŭ sonĝoj, konservis neforviŝeblajn impresojn pri la grandioza historia heredaĵo kaj neordinara nuntempa kulturo de la mondfama urbo.

VIA voĉo gravas! Bonvolu sendi viajn reeĥojn, gratulmesaĝojn kaj alispecajn tiutemajn kontribuojn plejeble baldaŭ, laŭeble, ĝis la 1-a de oktobro 2021 al imps86@yahoo.com, kvankam la materialoj iutempe estos akceptataj ankaŭ post tiu ĉi dato.

La plej interesaj kontribuaĵoj estos publikigitaj en nialanda gazetaro kaj en la venonta eldono de “Konciza Enciklopedio de Eksterlanda Samarkandiana: Kulturo Unuiganta la Mondon”.  ĈIU ricevita mesaĝo estos danke agnoskita kaj la raporto pri la evento estos sendita al ĈIUJ partoprenantoj.

Atendante vian baldaŭan reeĥon, ni antaŭdankas pro via eventuala helpemo kaj kunlaboro.

Sanon al vi kaj bonfarton, pacon kaj harmonion, vivoptimismon kaj inspiron, feliĉon kaj bonŝancon!

Sunplenajn bondezirojn el 2760-jara Samarkando,
Anatolij Ionesov, fondinto kaj prizorganto
Enciklopedia projekto “Samarkandiana”
P.O. Box 76, UZ-140100 Samarkando
Uzbekio

Retpoŝto: imps86@yahoo.com
6
Agenda / Agendo / Oostende, zaterdag 18.9: wandeling Oosteroever
« Lasta afiŝo de Roland Rotsaert je 09 septembro 2021, 17:14:15 ptm »
Vertrek: 10.30 u. aan het station van Oostende.
Onderweg wordt een broodmaaltijd aangeboden.
De namiddag is vrij voor winkelen of museumbezoek.
Er kan ingeschreven worden voor een diner (om 18 u.) in de Cappuccino, hoek Kapellestraat en Ooststraat 22 (30 euro per persoon).
Inschrijven ten laatste op 13.9 bij anne.brabant@telenet.be (0498 22 70 21) of flory2@witdoeckt.be voor de wandeling en bij Anne voor het avondeten.

Zie ook pdf hieronder en https://eventaservo.org/e/9f392e
7

Een buitengewone algemene vergadering van de vzw Vlaamse Esperantobond zal plaatsvinden op zaterdag 27 november om 10u te Antwerpen. Meer info en agenda in Horizontaal van november.
8
Agenda / Agendo / LEA, Peer: Kantvespero
« Lasta afiŝo de An Olijslagers je 30 aŭgusto 2021, 21:54:53 ptm »
Paul kaj Emiel gvidos nin per ilia gitaro kaj kantigos nin el nia fama kantlibro "Ni kantas kune".
En la Kulturcentro "'t Poorthuis" en Peer, de la 20:00-a ĝis la 22:00-a horo.
9
Agenda / Agendo / LEA, Neerpelt: Kanuado sur la Dommel
« Lasta afiŝo de An Olijslagers je 30 aŭgusto 2021, 21:47:13 ptm »
Ni denove kanuados sur la Dommel.
Je la 13:00-a horo ni kunvenos sur la parkejo en la "Tussenstraat" en Pelt.
Ni kanuados ĝis "Borkel en Schaft" kaj post nia alveno la homoj kiuj volas povas manĝi tie.
Bonvolu anonci vian partoprenon antaŭ la 15-a de septembro per la retadreso: limburg@esperanto.be
La kostoj estos 11 eŭroj po persono.
10
Esperanto-literaturo kaj -muziko / 5-a Traduk-konkurso “Lucija Borčić”
« Lasta afiŝo de Roland Rotsaert je 30 aŭgusto 2021, 17:10:59 ptm »

Honore al Lucija Borčić (26.07.1921-14.11.2015) Kroata Esperantista Unuiĝo lanĉas la 5-an literaturan traduk-konkurson de iu ajn nacia lingvo al Esperanto. La konkursaj branĉoj estas jenaj:
  • poezio: maksimuma longo ne fiksita
  • prozo – rakonto aŭ novelo: maksimuma longo 30.000 tajperoj (kun spacoj)
La rezultojn oni publike anoncos la 14-an de novembro en Zagrebo, okaze de la 6-a Memorkunveno al Lucija Borčić. La organizantoj disdonos ĝis tri premiojn por branĉo. La aliro al la konkurso estas libera al ĉiu esperantisto, kiu rajtas partopreni per maksimume tri konkursaĵoj/verkoj kiuj antaŭe ne estis publikigitaj ĉu en la presa, ĉu en reta, bloga, fejsbuka formoj. Al la konkursaĵo oni nepre aldonu jenajn informojn:
  • personan nomon kaj familian nomon, poŝtan adreson, retadreson de la konkursanto;
  • titolon de la originalo, personan nomon kaj familian nomon kaj la bazajn datumojn de la aŭtoro de la tradukita verko.
La tradukaĵojn kune kun la originalaj tekstoj kaj aldonaj informoj oni sendu al la retadreso: hes@heskeu.hr ĝis la 5-a de septembro 2021. La premioj konsistas el diplomo. La organizantoj de la konkurso prizorgos la presadon de la premiitaj tradukoj konforme al la reguloj preskribitaj por tiu agado (respekto de aŭtoraj rajtoj ktp).
Paĝoj: [1] 2 3 ... 10