Kia ni devas rigardi la internacian peticion ĉe Avaaz?

[Roland Rotsaert]

Thierry Saladin el Montpeliero estos en Bruselo kaj venos merkredon la 4an de Decembro  — do, venontan merkredon —  prezenti sian prelegon "Kia ni devas rigardi la internacian peticion ĉe Avaaz?"

Dum la prelego, li prezentos tiun peticion, klarigos kiamaniere li ekkonis ĝin (komence li trovis tiun peticion stulta, kaj poste ŝanĝis sian opinion, kaj li klarigos la kialon), indikos la nunan situacion kaj prezentos kelkajn agadojn farindajn.

Jam subskribis pli ol 175 belgoj kaj 77 nederlandanoj. Entute 6307 homoj el 116 landoj.

GRAVA NOTO :
La personoj kiuj ne jam estas sur la listo por eniri nian klubejon kaj kiuj volas partopreni tiun prelegon, n e p r e devas komuniki al Nikolao (nikolao ĉe esperantobruselo.org) siajn nomon, ŝtatanecon kaj n-ron de identigilo
plej laste lundon vespere.