A.J. Witteryck estis inter la unuaj esperantistoj de Belgio. Antaŭ lia esperantistiĝo, kiel 20jarulo, li interesiĝis pri loka historio, i.a. popolaj rakontoj, kaj en 1889 aperigis gravan kolekton da tiaj rakontoj.
Pasintan dimanĝon, okaze de Erfgoeddag, Willem de Blécourt prelegis en la urba biblioteko de Bruĝo pri tiuj rakontoj. Ili estas interesaj, sed apenaŭ konsulteblaj. En brokantejo foje troveblas la reeldono (kun interesaj komentoj) de Hervé Stalpaert el 1946.
Post interparolo kun kelkaj aliaj interesitoj, mi decidis skani kaj enretigi (je
http://sites.google.com/site/rolandrotsaertbrugge/witteryck-volksvertelsels) mian ekzempleron de la reeldono de Stalpaert. Kompreneble ne estas en Esperanto, sed la enkonduko de Stalpaert mencias kelkajn interesajn biografiajn informojn pri Witteryck.
Roland Rotsaert
Esperanto-forum
Fadeno: Witteryck: Oude Westvlaamsche Volksvertelsers (Legita 7201 fojojn)