Ĉiumonate redaktoro de Monato rigardas la statistikojn de Google por ekscii, kiuj estis en la pasinta monato la plej ofte konsultataj – kaj do verŝajne ankaŭ legataj – tekstoj en la retejo de Monato. Ofte la rezultoj estas „logikaj”. Ekzemple iom post la atakoj de la Monato-serviloj fare de rusaj kaperistoj, informoj pri tio estis plej ofte legataj. Sed ne ĉiam la rezultoj estas logikaj. En marto ĉi-jara la plej ofte konsultata teksto estis intervjuo el 2024, nome artikolo de Tommaso Melacotte „Afriko: vojoj al nacia sendependeco en Ganao kaj Tanzanio” el la decembra numero (
https://www.monato.be/2024/013612.php). Ĉu eble iu menciis tiun artikolon en socia retejo, kaj sekve pluraj alklakis ĝin?
Alia ero el la monata statistiko estas eĉ pli miriga. La plej fervoraj konsultantoj de la Monato-retejo troviĝas en ... Singapuro. En marto 1074 diversaj personoj el Singapuro vokis artikolon el Monato. Ĉu entute en Singapuro estas tiom da Esperanto-parolantoj?
Interreto estas plena de misteroj!
Esperanto-forum
Fadeno: Singapura inundo (Legita 13 fojojn)