En julio okazis en Nitra (Slovakio) Somera Esperanto-Studado. Unuafoje, samdate kaj samloke, okazis ankaŭ SEP - Somera Esperanto-Programado. Organizantoj anoncis ĝin kiel Esperanta kodummaratono (hackathon). La celo de kodummaratono estas komence de la semajno difini konkretajn bezonojn kaj krei funkciantan retejon, programaron aŭ aparataron ĝis la fin de la evento. Kodummaratonoj kutimas havi specifan temon, kiu povas esti programlingvo, aplikaĵo, API. Foje limigoj entute ne estas. Fine de la evento oni prezentas sian projekton.
Dum semajno en Nitra kunlaboris en kaj ekster la SEP-komputilejo homoj kiuj estas kaj esperantistoj kaj komputilistoj kaj junaj kaj entuziasmaj. Raras tiaj homoj 😊. Ne nur la konkretaj rezultoj estas mirindaj, sed la etoso kaj kunlaboremo estis nekredeblaj. Kreiĝis bazo por kune daŭrigi pri dum SEP ekintaj projektoj – kaj por elpensi novajn! Yves ĉeestis SEP kaj raportos pri la diversaj projektoj realigitaj. Jam oni planas okazigi SEP ankaŭ en 2020 -
https://mallonge.net/sep2020
Esperanto-forum
Fadeno: SEP: nova freŝa ondo en Esperantujo (Legita 4792 fojojn)