La venonta, 32-a Printempa Semajno Internacia (PSI), okazos de la 25a de marto ĝis la 1a de aprilo 2016 en la urbo Bad Hersfeld. La temo de la semajno estas "fabeloj". Rilate al tiu temo ni havos plurajn programerojn kiel prelegoj, ludoj kaj ekskursoj. Ni ekskursos al vidindaĵoj kaj de la regiono kaj de najbaraj urboj. I. a. ni planas viziton de la konata "Wartburg" en Eisenach. Ĉiutage okazos diskutrondoj kaj prelegoj pri diversaj temoj, kursoj pri dancoj, ludoj, kantoj, muziko kaj manlaboraj ofertoj. Por tiuj, kiuj ŝatas plibonigi siajn lingvokonojn, ni okazigos diversnivelajn Esperanto-kursojn.Vespere ni havos kulturan programon kun koncerto, bela pupteatraĵo, kvizo, prezentaĵoj ktp.Poste oni renkontiĝos en la "knajpo" por babili kaj ludi. Ni kore bonvenigas familiojn kun infanoj, parojn kaj unuopulojn!
Tiuj, kiuj ne havos paskajn feriojn, eble povos partopreni dum kelkaj tagoj (ekz. paskan semajnfinon) por ĝui internacian etoson kaj renkonti novajn kaj malnovajn geamikojn.
Do, ni forte rekomendas baldaŭan aliĝon!
Fariĝos bonega kaj amuza renkontiĝo kaj travivaĵo!!!
Pliajn informojn:
http://www.esperanto.de/psi
Esperanto-forum
Fadeno: 32-a Printempa Semajno Internacia (PSI), 25.3-1.4.2016 (Legita 4483 fojojn)