Prelego

[ivo]

En aŭgusto 1985 grupo de esperantistoj el diversaj landoj (Pollando, Turkio, Alĝerio kaj respublikoj de tiama Jugoslavio: Kroatio, Serbio, Bosnio kaj Herzegovino, Makedonio) partoprenis Esperanto-laborbrigadon proksime de urbo Split, organizitan de Splita Esperanto Societo. Post 30 jaroj kelkaj partoprenantoj revenis al Kroatio por reuniĝi kaj por viziti la Astronomian centron, kiun ili komencis konstrui en 1985. Dum unusemajna restado en Split, la esperantistoj estis akceptitaj ĉe la Urbestro de Omiš, en Radio Split ili estis intervjuitaj kaj pri ili skribis „Slobodna Dalmacija“ unu al la plej gravaj naciaj gazetoj en Kroatio, kaj ankaŭ pliaj ret-paĝaroj!