La Verda Stelo 16an de aprilo: Dimanĉe, Dumtage

[Roland Rotsaert]

Jen nova 'eldono' de niaj Dimanĉaj Dumtagoj.

12.00 h.: malfermo de nia kunvenejo en Lange Beeldekensstraat 169. Ni proponos alportan bufedon  (Amerikaans feest, Potluck Party aŭ Auberge Espagnole alilande/-lingve). Ĉiu kunportu ion por komune manĝi: pladon aŭ deserton, memfaritan aŭ aĉetitan. Eblas varmigi pladojn se necese.

14.00-18.00 h.:

Poste ni daŭrigos per babilado kaj kafumado. Dume Paul Peeraerts proponas la programeron „Komentoj kaj reagoj pri la plej freŝa numero de Monato”, sub gvido de la ĉefredaktoro Paul mem. Havu „ekskluzivan” rigardon en la ankoraŭ ne aperinta maja numero (jes majo)!

Por tiuj kiuj volas, ni mendos ion ĉe apuda restoracio por komune vespermanĝi. Ni antaŭvidas 20 €, unu trinkaĵon inkluzive.

Ĝis dimanĉo! (esperanto-antwerpen@esperanto.be)